“MMC nədir və necə təsis edilir?” kimi suallar sizi maraqlandırırsa doğru ünvandasınız. Bu məqaləmizdə bütün prosesi ardıcıl şəkildə izah etməyə çalışdıq.
MMC nədir?
Məhdud Məsuliyyətli Cəmiyyət (MMC), hüquqi şəxs kimi fəaliyyət göstərən və nizamnamə kapitalı müəyyən miqdarda paylara bölünən şirkət formasıdır. MMC-nin əsas üstünlüyü iştirakçılarının (təsisçilərinin) cəmiyyətin borclarına görə şəxsi əmlakları ilə cavabdeh olmamasıdır; onlar yalnız qoyduqları kapital miqdarı ilə risk edirlər. Bu, MMC-ni sahibkarlar üçün cəlbedici edir, çünki risklər məhdudlaşdırılmışdır.
MMC-nin təsis edilməsi prosesinin ardıcıl izahı
MMC yaratmaq üçün iki əsas üsul mövcuddur: elektron qeydiyyat və kağız daşıyıcılarda (adi) qeydiyyat.
Elektron qeydiyyat:
Elektron qeydiyyat prosesində, e-taxes.gov.az saytına daxil olmaq və “Onlayn qeydiyyat” bölməsindən istifadə etmək lazımdır. Burada “Hüquqi şəxsin sürətli qeydiyyatı” və “Hüquqi şəxsin adi qeydiyyatı”ndan birinə daxil olaraq tələb olunan məlumatları daxil etməklə qeydiyyat prosesinə başlanılır. Prosesin tamamlanmasından sonra, bir iş günü ərzində təsis sənədləri elektron kabinetinizə göndəriləcək.
Kağız daşıyıcılarda (adi) qeydiyyat:
Adi qeydiyyat prosesində bir neçə addım izlənməlidir:
- Hüquqi ad və ünvan müəyyənləşdirilməsi: Şirkətin adı və hüquqi ünvanı müəyyən edilməlidir.
- Təsisçilərin qərarı: Təsisçilər MMC yaratmaq haqqında qərar qəbul etməlidirlər.
- Nizamnamə və digər sənədlərin hazırlanması: Şirkətin nizamnaməsi və digər tələb olunan sənədlər hazırlanmalıdır.
- Sənədlərin dövlət orqanlarına təqdim edilməsi: Hazırlanmış sənədlər müvafiq orqana – Dövlət Vergi Xidmətinə təqdim edilməlidir.
- Dövlət rüsumunun ödənilməsi: MMC-nin qeydiyyatı üçün tələb olunan dövlət rüsumu ödənilməlidir.
- Bank hesabının açılması və nizamnamə kapitalının ödənilməsi: Şirkət üçün bank hesabı açılmalı və nizamnamə kapitalı bu hesaba köçürülməlidir, ödəniş qəbzi müvafiq ordana təqdim edilməlidir.
- Təsis sənədlərinin alınması: Üç iş günü ərzində təsis sənədləri əldə edilir.
MMC-nin üstünlükləri
MMC-nin bir çox üstünlükləri vardır:
- Məhdud məsuliyyət: Təsisçilər yalnız qoyduqları kapital miqdarı ilə risk edirlər, şəxsi əmlakları ilə cavabdeh deyillər.
- Hüquqi şəxs statusu: MMC hüquqi şəxs statusuna malikdir, bu da ona müstəqil olaraq müqavilələr bağlamaq və məhkəmələrdə iştirak etmək imkanı verir.
- Vergi üstünlükləri: MMC-lər bəzi hallarda vergi üstünlüklərindən faydalana bilərlər.
- Davamlılıq: MMC-nin fəaliyyəti təsisçinin vəfatı və ya çıxması halında davam edir.
MMC-nin yaradılmasında diqqət edilməli nüanslar
MMC yaradarkən bir neçə mühüm məsələni nəzərə almaq lazımdır:
- Nizamnamə kapitalı: Nizamnamə kapitalı şirkətin fəaliyyətinə uyğun olaraq müəyyən edilməlidir. Bu, MMC-nin maliyyə gücünü göstərir və potensial tərəfdaşlar və müştərilər üçün etibarlı bir siqnaldır.
- Sənədlərin doğruluğu: Qeydiyyat üçün təqdim olunan sənədlər tam və doğru olmalıdır. Yanlış və ya qeyri-dəqiq məlumatlar qeydiyyat prosesini ləngidə bilər və ya rədd olunmasına səbəb ola bilər.
- Vergi öhdəlikləri: MMC yaratmaqla bağlı vergi öhdəliklərini bilmək və onlara riayət etmək vacibdir. Vergi qanunvericiliyi və mühasibatlıq məsələləri üzrə peşəkar məsləhət almaq faydalıdır.
- Hüquqi məsələlər: MMC-nin hüquqi məsələləri, o cümlədən müqavilə şərtləri və əmək qanunvericiliyi, diqqətlə nəzərdən keçirilməlidir.
MMC yaratmaq, sahibkarlar üçün geniş imkanlar açır və riskləri məhdudlaşdırır. Prosesin düzgün həyata keçirilməsi üçün həm elektron, həm də adi qeydiyyat metodlarından istifadə etmək mümkündür. Hər iki metodun üstünlükləri və fərqləri vardır. MMC yaratmaqla bağlı hər hansı bir sualınız və ya yardıma ehtiyacınız olduqda, peşəkar hüquq və audit xidmətlərindən faydalanmağınız tövsiyə olunur.
Bu məqalə MMC-nin nə olduğunu və necə yaradıldığını geniş şəkildə izah etməyə çalışdıq. Hüquqi və maliyyə məsələləri daha dərindən araşdırmaq üçün mütəxəssislərlə məsləhətləşmək həmişə faydalıdır.
Əgər bu məsələrlə bağlı hüqiqi dəstəyə ehtiyacınız varsa bizə müraciət edə bilərsiniz.
Macis Consulting şirkəti olaraq həm fərdi sahibkarlıq, həm də hüquqi şəxs formasında fəaliyyət göstərmək istəyən biznes sahiblərinə bir sıra xidmətlər göstəririk. Şirkətimiz illərdir hər iki formada biznesin yaradılması, mühasibatlıq xidmətləri, audit və hüquqi proseslərin aparılması xidmətlərini öz biznes partnyorlarına təqdim edir. Bizimlə əlaqə saxlayaraq biznesinizə ehtiyac olan bütün mühasibatlıq, maliyyə və hüquq xidmətlərini əldə edin.
HƏMÇİNİN BAX: Bizneslər üçün maliyyə hesabatlılığının 5 əsas prinsipi
